Arddwyre Rheged

Ardʋyre Reget ryssed rieu.
Neu ti rygosteis kyn bʋyf teu.
Gnissynt kat lafnawr a chat vereu.
Gnissynt wyr ydan kylch ʋyaʋr. lleeu
Goʋy gʋyn gʋylein ymathreu
Ny mat vrʋytrʋyt. Ri ny mat geu
Yd ymarmerth gʋledic gʋrth Kymryeu.
Nys gyrr neges y geissaton
Gochaʋn marchaʋc mʋth molut Gʋryon.
O dreic dylaʋ adaʋ doethaʋ don.
Yny doeth vlph yn treis ar y alon.
Hyny doeth Vryen yn edyd yn Aeron.
Ny bu kyfergyryat ny bu gynnʋys.
Talgynaʋt Vryen yrac Powys
Ny bu hyfrʋt brʋt echen gyrrʋys
Hyueid a Gododin a lleu towys.
Deʋr yn enmyned a theith gʋyduʋys
Diueuyl dydʋyn y gʋaet gʋyden
A weles Llʋyuenyd. Udyd kygryn.
Yn eidoed kyhoed yn eil mehyn
Kat yn ryt Alclut Kat ymynuer.
Kat gellaʋr breʋyn. Kat hir eurur.
Kat ymprysc. Katleu kat yn aber
Ioed ydygyfranc adur breuer
Maʋr kat Glutuein gʋeith Pencoet
Llʋyth llithyaʋc cun ar ormant gʋaet.
Atueilaʋ gʋyn gouchyr kyt
Mynan eigyl edyl gʋrthryt.
Lletrud a gyfranc ac vlph yn ryt
Gʋell ganher gʋledic pyr yganet
Y vd Prydein pen perchen broestlaʋn
Y vd. Nyt ymduc dillat na glas na gaʋr
Na choch nac ehoec vyc mor llaʋr.
Nyt ardodes y vordʋyt dros voel maelaʋr
Veirch o genedyl vrych mor greidaʋl.
Haf ydan ayaf ac araf yn llaʋ.
A ryt a rotwyd eu harʋylaʋ.
A gʋest ydan geird ac ymdʋyraʋ.
Ac hyt orffen byt edrywyt kaʋ.
Gofydin goyscub. dyhaʋl am delʋ
Dileʋr am leuuereu.
Neu vi erthycheis yn eis rac hʋyd
Peleidyr ar yscʋyd. Yscʋyt yn llaʋ
Godeu a Reget yn ymdullyaʋ.
Neu vi a weleis ʋr yn buarthaʋ.
Sarff soned virein segidyd laʋ.
Neu vi gogʋn ryfel yd argollaʋr.
Ar meint a gollʋyf y argollaʋr.
Neu vi neu ymgorwʋyth medu medlyn
Gan Hyfeid hyʋr hyʋst dilyn
Neu vi neu yscenhedeis kyscaʋt gʋeithen
Dithrychʋys vy rieu radeu lawen
Gʋacfa gʋlat da. ʋrth Uruʋyn.

Ac yny vallʋyfy hen
Ym dygyn agheu aghen
Ny bydif ym dirwen
Na molʋyf Vryen.